აღდგომის დღესასწაულთან დაკავშირებით, აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ, ტრადიციულად სხვადასხვა სოციალური კატეგორიის აფხაზეთიდან დევნილ ოჯახებს, საკვები პროდუქტები გადასცა.

სასურსათო ნობათები აფხაზეთის ავტონომიური რესპუბლიკის მთავრობის ინიციატივით და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებით ყოველწლიურად როგორც თბილისში, ასევე რეგიონებში მცხოვრებ სოციალურად დაუცველ და სხვა კატეგრორიის აფხაზეთიდან იძულებით გადაადგილებულ ოჯახებს გადაეცემათ.

აფხაზეთის ავტონომიური რესპუბლიკის მთავრობის ორგანიზებით და ქალაქ თბილისის მერიის მხადაჭერით, აღდგომის დღესასწაულთან დაკავშირებით, წელს, მთელი ქვეყნის მასშტაბით, სადღესასწაულო ნობათი აფხაზეთიდან დევნილ, მოწყვლადი კატეგორიის 1000-მდე ოჯახს გადაეცა. დარიგების პროცესში აქტიურად იყვნენ ჩართული აფხაზეთის მთავრობის წევრები, მთავრობის აპარატისა და სამინისტროების წარმომადგენლები.

ნობათებისთვის საჭირო პროდუქტების შესაძენად აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ბიუჯეტიდან 34 994 ლარი გამოიყო, ხოლო ქალაქ თბილისის მერიის მხარდაჭერით შეძენილ იქნა 19 970 ლარის ღირებულების პროდუქტი.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ სამინისტროს წარმომადგენლებთან ერთად, აფხაზეთიდან იძულებით გადაადგილებულ მოქალაქეებთან მორიგი შეხვედრები გამართა.

შეხვედრებზე, ინდივიდუალურად იქნა განხილული აფხაზეთიდან დევნილი მოქალაქეების წინაშე არსებული საჭიროებები. მიღებული ინფორმაციების გათვალისწინებით, აფხაზეთიდან დევნილი მოქალაქეების საჭიროებების შესაბამისი პროექტები განხორციელდება.

„მოქალაქეებისგან ინფორმაციების მიღება და გადაჭრის გზებზე ერთობლივი მუშაობა, ძალიან მნიშვნელოვანია ქმედითი და ეფექტური პროექტების განხორციელებისთვის და კიდევ უფრო მეტი აქტიურობით ვაგრძელებთ მუშაობას, რათა დროულად გადავჭრათ დევნილთა წინაშე არსებული პრობლემები და შევუქმნათ ცხოვრების ღირსეული პირობები.“ - განაცხადა დავით ფაცაციამ.

მოქალაქეებთან შეხვედრები პერიოდულად იმართება და მსგავსი შეხვედრების შედეგად, აფხაზეთის იძულებით გადაადგილებულ პირთა სამინისტრომ არაერთი მნიშვნელოვანი პროექტი განახორციელა.

აფხაზეთის ავტონომიური რესპუბლიკის მომსახურების სააგენტოს, სამცხე-ჯავახეთის სახელმწიფო უნივერსიტეტისა და ქართველთა და აფხაზთა ერთობის საზოგადოების - „ერთობა ხვალისთვის“ ერთობლივი ორგანიზებით, აჭარაში მცხოვრებ აფხაზებთან შეხვედრა გაიმართა.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ შეხვედრაზე ქართულ-აფხაზურ ურთიერთობებში შეტანილი წვლილისთვის აჭარაში მცხოვრები მოქალაქეები დააჯილდოვა. სამცხე-ჯავახეთის სახელმწიფო უნივერსიტეტში მოქმედი აფხაზური ცენტრის ახალგაზრდებმა ორგანიზაციის საქმიანობის შესახებ პრეზენტაცია გამართეს, მოეწყო თემატური გამოფენა.

შეხვედრაში ასევე, მონაწილეობა მიიღეს აფხაზეთის ავტონომიური რესპუბლიკის მთავრობის, აჭარის ავტონომიური რესპუბლიკის მთავრობის, ბათუმის მუნიციპალიტეტის მერიის, ბათუმის შოთა რუსთაველის სახელმწიფო უნივერსიტეტის, სამცხე-ჯავახეთის სახელმწიფო უნივერსიტეტის და სხვადასხვა ორგანიზაციების წარმომადგენლებმა.

„შეხვედრაზე ქართულ-აფხაზურ ურთიერთობებში შეტანილი წვლილისთვის დავაჯილდოვეთ აჭარის ავტონომიური რესპუბლიკის კულტურის მინისტრი ელისო ბოლქვაძე, აჭარის განათლებისა და სპორტის მინისტრი მაია ხაჯიშვილი, ქალაქ ბათუმის მერი არჩილ ჩიქოვანი, სამცხე-ჯავახეთის სახელმწიფო უნივერსიტეტის რექტორი მაკა ბერიძე და უნივერსიტეტის პრორექტორი მერაბ ბერიძე, აჭარაში მცხოვრები აფხაზები. სწორედ ეს ადამიანები წარმოადგენენ სიმბოლოს ურთიერთგაგების, აფხაზური ტრადიციების, ფასეულობების, კულტურის, ენის შენარჩუნების და დაცვის, რაც ძალიან სწორი მაგალითია ოკუპირებულ ტერიტორიაზე მცხოვრები ჩვენი მოქალაქეებისთვის, რომ მხოლოდ მსგავსი ურთიერთგაგებით, სიყვარულითა და ტრადიციების შენარჩუნებით შესაძლებელია გავძლიერდეთ და გადავარჩინოთ ჩვენი საერთო მომავალი. “ - განაცხადა დავით ფაცაციამ.

ღონისძიების მიზანი იმ ადამიანების მიმართ მადლიერების განოხატვაა, რომლებმაც თავისი საქმიანობით განსაკუთრებული წვლილი შეიტანეს ქართულ-აფხაზური ურთიერთობების აქტუალიზაციის საქმეში.

აფხაზეთის ავტონომიური რესპუბლიკის მომსახურების სააგენტოსა და მოხალისეთა ორგანიზაცია „ახალგაზრდობა და ვეტერანები ეროვნული თავდაცვისა და უსაფრთხოებისთვის“ შორის ურთიერთთანამშრომლობის მემორანდუმი გაფორმდა.

მემორანდუმს ხელი აფხაზეთის ავტონომიური რესპუბლიკის მომსახურების სააგენტოს დირექტორის მოვალეობის შემსრულებელმა ავთანდილ ქარაიამ და „ახალგაზრდობა და ვეტერანები ეროვნული თავდაცვისა და უსაფრთხოებისთვის“ დირექტორმა ედუარდ ჯიშკარიანმა მოაწერეს.

მემორანდუმი ითვალისწინებს აფხაზეთის ოკუპირებულ ტერიტორიაზე მცხოვრები და აფხაზეთიდან დროებით დევნილი მოქალაქეების მხარდაჭერისა და მათი შესაძლებლობების გაძლიერების მიზნით, მჭიდრო თანამშრომლობასა და ერთობლივი ღონისძიებების დაგეგმვა-განხორციელებას.

შეხვედრას აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, სამინისტროს და მოხალისეთა ორგანიზაციის წარმომადგენლები ესწრებოდნენ.

აფხაზეთის იძულებით გადაადგილებულ პირთა სამინისტროს წარმომადგენლებმა ორთაჭალაში მდებარე დევნილთა განსახლების ობიექტში სარემონტო-აღდგენითი სამუშაოები დაათვალიერეს.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და კრწანისის რაიონის გამგეობის წარმომადგენლები ორთაჭალაში მდებარე დევნილთა განსახლების ობიექტზე იმყოფებოდნენ, სადაც მიმდინარე სარემონტო-აღდგენითი სამუშაოები დაათვალიერეს.

ორთაჭალაში ბუნებრივი აირის გაჟონვით გამოწვეული აფეთქების შედეგად დაზიანებული შენობის სარემონტო-აღდგენითი სამუშაოები აფხაზეთის მთავრობისა და კრწანისის რაიონის გამგეობის თანამშრომლობით ხორციელდება.

აღსანიშნავია, რომ პროგრამის „დევნილთა სოციალური უზრუნველყოფის“ ფარგლებში, ორთაჭალაში მდებარე დევნილთა განსახლების ობიექტში მცხოვრებ აფხაზეთიდან იძულებით გადაადგილებულ მოქალაქეებს ფინანსური დახმარება გაეწიათ.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, თბილისის საკრებულოს მაჟორიტარ დეპუტატთან კონსტანტინე ზარნაძესთან ერთად, გლდანის რაიონში, წყალსადენის ქ. #7-ში (ყოფილი სასტუმრო ბახტრიონი) მდებარე დევნილთა განსახლების ობიექტში მცხოვრებ აფხაზეთის ოკუპირებული ტერიტორიებიდან დევნილ მოქალაქეებს შეხვდა და ადგილზე გავეცანო მათ საჭიროებებს.

აფხაზეთიდან დევნილი მოქალაქეებისგან მიღებული ინფორმაციების და ადგილზე არსებული მდგომარეობის გათვალისწინებით, გლდანის რაიონში, წყალსადენის ქ. #7-ში (ყოფილი სასტუმრო ბახტრიონი) მდებარე დევნილთა განსახლების ობიექტში სხვადასხვა სახის ინფრასტრუქტურული პროექტები განხორციელდება.

„აფხაზეთიდან დევნილ მოქალაქეებთან მუდმივი კომუნიკაცია, მათი საჭიროებების იდენტიფიცირება და რეაგირების მოხდენა აფხაზეთის ავტონომიური რესპუბლიკის მთავრობის ერთ-ერთი ძირითადი პრიორიტეტია. ამ მიზნით მთელი ქვეყნის მასშტაბით ვხვდებით მოქალაქეებს და უშუალო კომუნიკაციის შედეგად მათი საჭიროების შესაბამისი არაერთი სოციალური, ინფრასტრუქტურული, თუ სხვა ტიპის პროექტი განვახორციელეთ და ამ მიმართულებით აქტიურად ვაგრძელებთ მუშაობას.“ - განაცხადა მინისტრმა დავით ფაცაციამ

აფხაზეთის ავტონომიუირი რესპუბლიკის იძულებით გადაადგილებულ პირთა მინისტრი დავით ფაცაცია სამინისტროს წარმომადგენლებთან ერთად, ამჯერად, ფოთსა და ზუგდიდში მცხოვრებ აფხაზეთიდან იძულებით გადაადგილებულ მოქალაქეებს შეხვდა, ისაუბრა მათთვის მნიშვნელოვან საკითხებზე და ადგილზე გაეცნო დევნილთა განსახლების ობიექტებში მიმდინარე და განხორციელებულ ინფრასტრუქტურულ პროექტებს.

ფოთში, გაგრის ქ. №11-ში მდებარე დევნილთა განსახლების ობიექტის სახურავის რეაბილიტაცია, „დევნილთა განსახლების ობიექტებში სარემონტო-აღდგენითი სამუშაოების ჩატარების უზრუნველყოფის“ პროგრამის ფარგლებში განხორციელდა.

ზუგდიდის მუნიციპალიტეტში, სოფელი განმუხურში მდებარე დევნილთა განსახლების ობიექტის (ყოფილი ადმინისტრაციული შენობა) რეაბილიტაციისთვის საჭირო სამშენებლო მასალები და ხელსაწყოები „აფხაზეთიდან დევნილი შეჭირვებული მოსახლეობისათვის სარემონტო/სამშენებლო მასალებით დახმარების“ და „სოციალური სოლიდარობის“ პროგრამების ფარგლებში იქნა უზრუნველყოფილი.

ინფრასტრუქტურული პროგრამის ფარგლებში, ზუგდიდში, ესებუას ქ. №7-ში მდებარე დევნილთა განსახლების ობიექტის სახურავის რეაბილიტაცია განხორციელდა და წყალმომარაგების სისტემის მოწყობის სამუშაოები მიმდინარეობს.

„ვცდილობთ თითოეული აფხაზეთიდან იძულებით გადაადგილებული პირის საჭიროება, რომელსაც ჩვენთან შეხვედრისას აჟღერებენ დროულად მოვაგვაროთ და კმაყოფილებით მინდა აღვნიშნო, რომ სწორედ მათთან უშუალო კომუნიკაციისას მიღებული ინფორმაციების გათვალისწინებით, არაერთი სოციალური და ინფრასტრუქტურული პროექტი განვახორციელეთ.

ქმედითი და ეფექტური პროექტების განხორციელებისათვის აქტიურად ვაგრძელებთ აფხაზეთიდან დევნილ მოქალაქეებთან უშუალო კომუნიკაციას.“ - განაცხადა დავით ფაცაციამ.

სამუშაო ვიზიტის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია ქ. ქუთაისში, თაბუკაშვილის ქუჩა №98 მისამართზე მცხოვრებ აფხაზეთიდან დევნილ მოქალაქეებს შეხვდა და განსახლების ობიექტში განხორციელებული ინფრასტრუქტურული სამუშაოები დაათვალიერა.

აღნიშნულ მისამართზე მდებარე დევნილთა განსახლების ობიექტის სადარბაზოების სარეაბილიტაციო სამუშაოები, აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ ქალაქ ქუთაისის მერიასთან ერთად განახორციელა.

„დევნილთა ინფრასტრუქტურული მხარდაჭერის“ პროგრამის ფარგლებში, ობიექტში განხორციელებული სამუშაოების თანადაფინანსების ღირებულებამ 8400 ლარი შეადგინა.

„მოქალაქეებთან უშუალო კომუნიკაცია, ერთობლივი მუშაობა არის სწორი გზა იმისათვის, რომ მათ წინაშე არსებული პრობლემები სათანადოდ გადაიჭრას და ჰქონდეთ ღირსეული საცხოვრებელი პირობები, შესაბამისად პერმანენტულად ვხდებით მოქალაქეებს, ვეცნობით მათ საჭიროებებს და შესაბამის ინფრასტრუქტურულ და სხვა სახის პროექტებს ვახორციელებთ.“ - განაცხადა მინისტრმა დავით ფაცაციამ.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს შუამდგომლობით და ვაკის რაიონის გამგეობის „ბინათმესაკუთრეთა ამხანაგობების ხელშეწყობის პროგრამის” ფარგლებში, წყნეთში, აფხაზეთის N14-ში მდებარე დევნილთა განსახლების ობიექტზე, დაახლოებით, 600 კვ.მ ფართობზე სახურავი და წყალსაწრეტი მილები განახლდა.

შესრულებულ სამუშაოებს ადგილზე აფხაზეთის ავტონომიური რესპუბლიკის იძულებით გადაადგილებულ პირთა მინისტრის მოადგილე გიორგი ბულისკერია, ვაკის რაიონის გამგებელი დავით კვინიკაძე გაეცნენ და აფხაზეთის დროებით ოკუპირებული ტერიტორიიდან დევნილ მოქალაქეებს შეხვდნენ.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს წარმომადგენლები აფხაზეთის დროებით ოკუპირებული ტერიტორიიდან დევნილ მოქალაქეებს მთელი ქვეყნის მასშტაბით ხვდებიან, მიღებული ინფორმაციების გათვალისწინებით, ასევე, ცენტრალური და ადგილობრივი ხელისუფლების ჩართულობითა და აქტიური მონაწილეობით ინფრასტრუქტურული თუ სხვას სახის პროექტები ხორციელდება.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, სამინისტროსა და ადგილობრივი თვითმმართველობის წარმომადგენლებთან ერთად, სენაკში, პატივი მიაგო საქართველოს პირველი ეროვნული გმირის, ჟიული შარტავას ხსოვნას, რომელსაც დღეს, 81 წელი შეუსრულდებოდა.

 წმინდა იოანე ნათლისმცემლის სახელობის სენაკის საკათედრო ტაძარში აღევლინა ჟიული შარტავასა და საქართველოს ტერიტორიული მთლიანობის დასაცავად აფხაზეთში დაღუპულ გმირთა სულების მოსახსენებელი პანაშვიდი.

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, სენაკის მუნიციპალიტეტის მერმა ვახტანგ გადელიამ და საკრებულოს თავმჯდომარემ საბა ოდიშარიამ, ადგილობრივი თვითმმართველობის წარმომადგენლებთან ერთად, სახვითი ხელოვნების გალერეაში, დაათვალიერეს თემატური ფოტოგამოფენა: „სენაკი - გმირების ქალაქი“.

ჟიული შარტავასა და მისივე სახელობის მხარეთმცოდნეობის მუზეუმებში, გაიმართა ჟიული შარტავას ხსოვნისადმი მიძღვნილი საღამო და ხელოვნების ცენტრის სამხატვრო სკოლის მოსწავლეთა ნამუშევრების გამოფენა.